Դեպի լույս

«Դեպի լույս» ժողովածուն մանկան աչքերով դիտված աշխարհի հմայքն է՝ պարզ, լույսով լեցուն ու հավատով լի։ Այս բանաստեղծական գիրքը նվիրված է մարդկային հոգու բարությանն ու ազնվությանն՝ ընթերցողին ուղղորդելով դեպի մաքրության, ընկերության, սիրո և հայրենասիրության արժեքները։

Հեղինակի խոսքը պարզ է, սակայն խորը՝ լի պատկերավորությամբ ու հոգեվիճակների նուրբ արտահայտությամբ։ Գրքում տեղ գտած յուրաքանչյուր բանաստեղծություն մե՛կ պահ ժպիտ է պարգևում, մե՛կ էլ՝ հրավիրում լրջորեն մտածելու կյանքի արժեքների մասին։

«Դեպի լույս»-ը հատկապես հարմար է կարդալ երեխաների հետ միասին՝ որպես ընտանեկան ընթերցանություն։ Այն ոչ միայն էսթետիկ հաճույք է պարգևում, այլ նաև դաստիարակչական ուժ ունի՝ ձևավորելով նոր սերնդի մարդկային նկարագիրը։